माझीही कोणीतरी प्रिया असावी.....

लाजून तुझ्यावर प्रेम करते असे म्हणावी,

गळ्यात-गळे घालून फिरण्यापेक्षा,

स्वच्छंदी जगणारी ती परी असावी,

खरंच माझीही कोणीतरी प्रिया असावी......

आठवणीत माझ्या विरून जावी,

सारखी तिचं ती स्वप्नी यावी,

पापा गोड देऊन मज झोपेतून उठवावी, 

खरंच माझीही कोणीतरी प्रिया असावी......

गोड हसावी, लटके रुसावी,

निराळीच तिची अदा असावी,

जणू जीवनात माझ्या एक फुलबाग फुलावी,

खरंच माझीही कोणी प्रिया असावी......

बागेत मला भेटाया यावी, 

मला पाहुनी मंद हसावी,

या भेटीने ती स्वैर उजळावी,

खरंच माझीही कोणीतरी प्रिया असावी......

सर पावसाची इतक्यात यावी,

दूर बसलेली मज-जवळ सरकावी,

हळूच मिठीत विसावून जावी,

खरंच माझीही कोणीतरी प्रिया असावी.....

ऋतू अचानक पालटून जावा,

आसमंतात शिरशिरी  उठावी,

जणू प्रेमाचीच ती सर असावी,

सोबत मज देत तीही कोणतासा मंत्र स्मरावी 

खरंच अशी माझीही कोणी प्रिया असावी......